اختراق وسرقه حسابات الفيس بوك وطرق حمايه حسابك

بسم الله الرحمن الرحيم

هشرحلكم انهردا طرق وأشكال اختراق حسابات الفيس بوك

وازى ممكن واحد يسرق منك حسابك بسهوله جدا وانت مش واخد
بالك

وطبعا ده شيىء مهما جدا نظرا لأهميه وسريه الحسابات
الشخصيه بما تحتويه من صور شخصيه ورسائل ومحادثات سريه خاصه بكل واحد فينا

أولا -

أحب أحذركم من بعض الحاجات

1-
لا تعطى أى شخص باسوورد الفيس بوك الخاص بك أو الايميل اللى انت عامل بيه الأكونت
الا اذا كنت تثق به جدا

2-
متقبلش اضافه من ناس متعرفهاش وهقولك ليه بعدين

3-
لو حد بعتلك رابط وفتحته لقيته شبه صفحه الفيس بوك وبيطلب منك الايميل والباسوورد
اعرف انه هاكر

4-
بلاش تفتح ايميلاتك أو أكونتاتك من أجهزه غريبه زى جهاز صاحبك أو السيبر ولو
اضطريت لكدا احذف ال

     بعد ما تخلص عشان المتصفح
ميحفظش بياناتكHistory

5-
خلى دايما الباسوورد بتاعك أى حاجه غريبه بعيده عن رقم موبايلك واسمك والحاجات
اللى ناس كتير بتعلها

- ثانيا

دلوقتى باه هشرحلكم ازاى بتتسرق أكونتات الفيس بوك

الطريقه الأولى

وهى الأكثر استخداما وشيوعا وبيقع فيها كتير من الناس

عن طريق الروابط المفخخه

يعنى حد يبعتلك الرابط ويقولك ادخل شوف الفيديو ده أو
هيديك رصيد فى المزرعه السعيده أو...... أى اشتغاله يشدك بيها ويخليك  تدخل على الرابط

زى الأمثله دى كده

  

مثال 1

 مثال2

 مثال3

بعد ما الرابط يفتح معاك بتطلعلك صفحه شبه صفحه الفيس
بوك بالظبط من غير أى اختلاف ويطلب منك تدخل الايميل والباسوورد زى الصوره كده
بالظيط

هتقوللى طيب أنا أعرف منين اذا كانت الصفحه دى هاكر ولا
لأ ؟

بص يا سيدى شوف اللينك اللى فى المتصفح من فوق هتلاقيه

 https://facebook.maldoox.cocserve.com

أى واحد عنده موقع عادى زى اللى فوق ده ممكن يعمل دومين فرعى يسميه facebook

ويحط اسكريبت صفحه البدايه وانت تدخل كأنها صفحه الفيس
العاديه بس اللى بحصل انك مجرد ما بتدخل ايميلك والباسوورد بيتبعتوا للى عامل
الرابط ده على الايميل ساعتها يقدر يسرق الأكونت بتاعك بسهوله جدا

عشان كده خلى بالك من أى لينك يتبعتلك من حد وتفتحه
تلاقى الصفحه الرئيسيه بتاعه الفيس صفحه الفيس الحقيقيه بيبقى شكلها كده والرابط فوق بيبقى زى ما انا موضحلك فى الصوره قارن الصورتين واعرف الفرق فى الرابط وخلى بالك

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

عارف ان ناس كتير قلقت جدا

بس متقلقوش هقولكم طريقه سهله جدا تعملوها 

هتخليك مطمن على
الأخر حتى لو ايميلك وباسووردك  طلعوا فى
التليفزيون ومصر كلها عرفتهم

تكمله الشرح وطريقه الحمايه المثلى على الرابط التالى 

من هنا

فوتكو بالعافيه :D